Kryetari i Bashkisë së Tiranës, Erion Veliaj ka njoftuan këtë të Enjte se nga sot, Sarajet e Tiranës kanë kaluar në pronësi të bashkisë.
“Me vendim të qeverisë shqiptare, nga sot, ndërtesa e ‘Sarajeve’ është pronë e Bashkisë së Tiranës si muze i qytetit që do evokojë traditën, si edhe historinë diplomatike. Bashkia Tiranë i paguan 2.5 mln USD pronarëve për ndërtesën monument kulture – një precedent historik”, shkruan Veliaj në një postim në rrjetet sociale.
Kryebashkiaku postoi edhe vendimin e qeverisë për shpronësimin e sarajeve.
Godinës iu vu flaka mesnatën e 17 gushtit. Autorët ende nuk janë gjetur, ndërsa u hodhën akuza se ky ishte një skenar i pushtetit për ti shpronësuar e më pas për të ndërtuar kulla.
