Policia italiane ka goditur një grup të trafikimit të drogës.
Sipas informacioneve, 7 persona janë arrestuar në L’Aquila, dy prej të cilëve në arrest shtëpie.
Të arrestuarit janë të moshës 20 deri në 37 vjeç, shqiptarë nga Shqipëria dhe Kosova. Grupi vepronte në shpërndarjen e drogës, zhvatje, rrëmbime, grabitje, etj.
Gjatë operacionit u sekuestruan mbi 2 kg kokainë.
Të akuzuarit kishin precedentë specifikë në fushën e drogës dhe i përkisnin një familjeje të rrënjosur tashmë në strukturën sociale dhe ekonomike të L’Aquila, të lidhur me njëri-tjetrin me qëllim blerjen, paketimin dhe shpërndarjen e drogës në zona të ndryshme në Itali.
Gjithçka ishte ndërtuar mbi një ortakëri të kryesuar nga tre vëllezër, të cilët menaxhonin të gjithë trafikun duke shfrytëzuar persona të tjerë të besuar, shpesh të lidhur me lidhje gjaku, të cilët merreshin me funksione të ndryshme, “e lehtësuar edhe nga fakti që komunikonin me njëri-tjetrin me lehtësi në gjuhën e tyre amtare, si dhe duke përdorur terma të koduar dhe duke komunikuar përmes kanaleve Whats-App dhe Telegram” shkruajnë mediat italiane.
