Pas tetë fitoreve radhazi, Napoli shikon veten për herë të parë të marrë një barazim në Serinë A. Ishte Roma e Mourinhos që vinte pas asaj humbjeje të turpshme 6-1 në Conference League që arriti të merrte një barazim pa gola përballë të kaltërve të Spallettit.
Pjesa e parë ishte shumë e kujdesshme dhe e ekuilibruar nga të dyja skuadrat ku ekipet nuk arritën të godisnin kuadratin.
Shumë më afresive pjesa e dytë ku Napoli rriti presionin dhe qarkullimin dhe në 60’, Osimhen ishte i pafat teksa goditi shtyllën.
Edhe tre minuta më vonë, sërish Osimhen ndalet nga traversa ndërsa në 72’, Mancini pati rastin më të mirë për të shënuar për Romën.
Në 90’ një gol iu anulua sërish Osimhen për pozicion të parregullt me takimin që është i destinuar të mbyllet në barazim pa gola dhe Napoli tashmë bashkëkryeson në renditje me Milanin me 25 pikë.
