Një aksident me një të plagosur ka nodhur në aksin rrugor Laç-Patok.
Policia e Lezhës ka arrestuar një 41-vjeçar, pasi duke drejtuar automjetin tip ‘Renault’ ka aksidentuar një motoçiklist.
Ky i fundit ndodhet në spitalin e Traumës në Tiranë, nën kujdesin e mjekëve.
“Specialistët e Qarkullimit Rrugor bënë arrestimin në flagrancë të shtetasit F.M., 41 vjeç, banues në fshatin Rrilë, Lezhë, pasi në aksin rrugor Laç-Patok duke drejtuar automjetin e tij tip ‘Renault’ ka aksidentuar motoçikletën me drejtues shtetasin Gj.P., 60 vjeç, banues në Kurbin. Aktualisht shtetasi i dëmtuar ndodhet në spitalin e Traumës Tiranë, nën kujdesin e mjekëve”, njofton policia.
