Një aksion i madh kundër vjedhjeve në rrjetin elektrik të zhvilluar nga Drejtoria e OSHEE Krujë ka zbuluar një laborator prodhimi të kriptomonedhave.
Burime nga OSHEE thanë se gjatë kontrolleve të ushtruara orët e fundit në bashkëpunim me Policinë e Shtetit në 250 subjekte private, janë proceduar penalisht 5 shtetas, ndër to dhe një biznes privat pa kontratë të cilit iu gjetën makineri të prodhimit të kriptomonedhave (bitcoin).
Laboratori i bitcoin u zbulua në hyrje të qytetit të Krujës. Për laboratorin e bitcoin u procedua penalisht pronari i objektit, shtetasi me iniciale F.M., pasi laboratori figuron ilegal.
Etiketa: Bitcoin
