Policia italiane arrestoi në Padova dy shqiptarë, 35 e 28 vjeç, me akuzën e trafikut të drogës janë vënë në pranga nga autoritetet policore të qytetit të Padovës.
Sipas mediave italiane, arrestimi i tyre erdhi pasi policia i gjeti në automjetin me të cilin po udhëtonin, 20 kg lëndë narkotike, 5 kg e gjysëm kokainë, 5 kg e gjysëm marijuanë e rreth 10 kg hashash.
Droga narkotike ishte e fshehur në një çantë të madhe, çka bëri policinë që të dyshonte se ata po transportinin diçka të paligjshme.
Në momentin e ndalimit nga forcat e rendit, çanta u gjet e boshatisur brenda automjetit, gjë që solli një kontroll më të imët të automjetit.
Në airbag-un e tij u gjet një vend i fshehur që hapej me anë të një magneti e ku ishin fshehur mbi 20 kg lëndë narkotike.
Një nga shqiptarët, drejtuesi i automjetit, u përpoq të largohej për t’i shpëtuar arrestimit por u bllokua në hyrjen e një pallati ku po tentohej të fshihej.
Ndaj dy shqiptarëve u lëshua urdhëri i arrestit me burg e janë në dispozicion të autoriteteve gjyqësore të Padovës.
