Komisioneri për Zgjerimin në Bashkimin Europian, Oliver Varhelyi, në një konferencë për mediat, ka vlerësuar progresin e Shqipërisë dhe Maqedonisë së Veriut, por sqaroi se nuk mund të ketë një datë mbi konferencën e parë ndërqeveritare pa u zgjidhur përplasja mes Maqedonisë së Veriut dhe Bullgarisë.
“Ka më shumë besueshmëri sa i përket raportit. Janë ndermarrë reforma të rëndësishme sa i takon sistemit të drejtësisë. Kredibiliteti është shumë i rëndësishëm për pranimin në BE. Duhet të zgjidhet çështja mes Maqedonisë së Veriut dhe Bullgarisë sepse kjo prek dhe Shqipërinë.
Shtyrja e hapjes së negociatave ka ndikim negativ për dy vendet. Shqipëria dhe Maqedonia e Veriut i kanë përmbushur kushtet.
Në mënyrë që të mbahet konferencat e para ndërqeverirtare këtë vit, duhet të ndodhë zgjidhja e çështjes. Mali i Zi i ka hapur të gjithë kapitujt”, tha Varhelyi.
Në vijim ai shtoi se Serbia meriton hapjen e kapitujve të tjerë, ndërsa Shqipëria ka arritur rezultate të prekshme në reforma, si sistemi i drejtësisë, lufta ndaj krimit të organizuar.
“Zgjedhjet në përgjithësi janë organizuar mirë. Maqedonia e Veriut ka qenë e vendosur për të luftuar krimin, por duhet të vazhdojë.
Bosnje Hercegovina duhet të vazhdojë të punojë me 14 pikat. Liderët politikë nuk duhet të sjellin përçarje.
Kosova me qecverinë e re, duhet të shënojë progres në luftën kundër korrupsionit dhe krimit. Kosova ka përmbushur të gjitha lushtet për liberalizimin e vizave.
BE ka lehtësuar dialogun mes Kosovës dhe Serbisë për qëndrueshmëri në të gjithë rajonin”, tha ai.
