Reperi Stresi është kthyer në Shqipëri pas arratisjes në Angli 7 muaj më parë, pasi u shpall në kërkim nga Policia, si organizator i protestave për vrasjen e Klodian Rashës.
Reperi ka dhënë një intervistë për emisionin “Ftesë në 5”, ku ka folur për arratinë, kthimin në Shqipëri dhe faktin që është pajtuar Noizy-n, me të cilin prej vitesh kanë qënë në konflikt të vazhdueshëm.
I pyetur se si erdhi momenti që të dy “ulën gjakrat”, Stresi tha: “Asgjë, thjesht ka shumë vite që i bëhesh bajat dhe njerëzve që keni 13 vjeç, su poqët. Kur rritesh, e mendon dhe vetë. Gjithmonë të vjen në kokë. Ja kemi lënë adoleshencës. Protesta ime e momentit është vetëm në studio.”
Në përfundim të intervistës, Bieta Sulo e falenderoi dhe i ngatërroi emrin me Noizyn, gjë që Stresi e mori me sportivitet duke qeshur.
“E prisja se e ke ngatërruar njëherë. E parandjej 3 sekonda para. E thashë që mbaje mend që do ma bëjë sepse në intervistën që ke bërë me Noizyn i ke thënë Stres”, shtoi reperi pas lapsusit të moderatores.
