Etion Joka, ish-kandidati për deputet i LSI-së në zgjedhjet e 25 prillit, është arrestuar nën akuzën e korrupsionit.
“Nga specialistët për Hetimin e Korrupsionit u bë ekzekutimi i vendimit penal, për shtetasin E.J., 32 vjeç, pasi Gjykata e Posaçme Kundër Korrupsionit dhe Krimit të Organizuar, ka caktuar në mungesë masën e sigurisë ‘Arrest në burg’, për veprën penale “Korrupsioni aktiv në zgjedhje”, njoftoi këtë të Shtunë policia e Tiranës.
Joka u shpall në kërkim në muajin Prill, para zgjedhjeve, pasi denoncimit në një emision televiziv, ku ai shfaqej duke premtuar para për blerjen e votave në Tiranë.
Në zgjedhje, Joka mori 320 vota në votimet preferenciale.
