Dy persona kanë rënë në prangat e policisë, pasi u kapën me kanabis.
Në kuadër të operacionit të koduar “Tunjë” u arrestuan: A.B., 30 vjeç, banues në fshatin Çerrice, Çorovodë, dhe M.D., 31 vjeç, banues në fshatin Zhepe, Çorovodë.
Po ashtu, u shpallën në kërkim M.H., 22 vjeç dhe S.Q.,23 vjeç, banues në Gramsh.
“Arrestimi dhe shpallja në kërkim e këtyre shtetasve u bë pasi në aksin rrugor Gramsh-Tunjë, gjatë kontrollit të automjeteve, shërbimet e Policisë kanë gjetur dhe sekuestruar në cilësinë e provës materiale 5 kilogramë lëndë narkotike kanabis sativa”, njoftoi policia.
Materialet iu referuan për veprime të mëtejshme, Prokurorisë së Rrethit Gjyqësor Elbasan, për veprën penale, “Prodhimi dhe shitja e lëndëve narkotike”, kryer në bashkëpunim, shtuan të njëjtat burime.
