Në Gjykatën Kushtetuese është në shqyrtim vendimi i Kuvendit të Shqipërisë për shkarkimin e Presidentit të Republikës së Shqipërisë për shkelje të rënda të Kushtetutës.
Gjykata e ka marrë në shqyrtim paraprak këtë çështje në përputhje me afatet procedurale të parashikuara në ligjin e saj dhe në Rregulloren e Brendshme, ndërkohë që veprimtaria e saj për shqyrtimin e të gjitha çështjeve ka qenë e pezulluar për periudhën 1 gusht 2021 deri në 10 shtator 2021, e cila përkon me lejen vjetore të gjyqtarëve.
Në përfundim të shqyrtimit paraprak të kësaj çështjeje, gjykata vendosi kalimin e çështjes për shqyrtim në seancë plenare publike.
Data e kësaj seance ende nuk është vendosur.
