Pas mbledhjes së kryesisë së PS-së, kryeministri Edi Rama u shpreh se në këtë mbledhje është diskutuar lidhur me rezultatet dhe analizën e secilës qendër e anëtar.
Ai shtoi se është vendosur edhe një vijë e kuqe që do të thellohet dhe që ka lidhje me punësimet në administratë që nuk janë pronë e PS-së, por e popullit shqiptar.
“Në bazë të disa vendimeve, puna në territor do të zhvillohet paralelisht për analizat e rezultateve qendër për qendër për të parë cilësinë e përfshirje të gjitha anëtareve për të rezultatet si dhe për hapjen e partisë për prurje të reja. Ajo që ishte shumë e rëndësishme në këtë mbledhje, është që një vijë e kuqe, e cila është vendosur fort në kongres dhe do të thellohet, është se punësimet dhe drejtoritë nuk janë pronë e PS-së, por e popullit shqiptar. Të gjithë duhet ta kenë të qartë. Kjo nuk është propagandë, por është vija ndarëse që do të na garantojë kalimin në një nivel tjetër të administratës shtetërore në raport me publikun. Në shërbimin civil kemi garantuar ase rekrutimet kalojnë në kanalet ligjore përmes konkurse”, tha Rama.
