Analisti Baton Haxhiu tha mbrëmjen e sotme se kreu demokrat, Lulzim Basha, është politikani më etik.
“Basha është një politikan që nuk po flet as për të mirat dhe as të këqijat e 16 viteve në krah të Sali Berishës, ndaj them se është politikan me etikë”, tha Haxhiu.
Sipas tij, përballë Bashës është Berisha, për të cilin ai nuk po thotë asgjë kundër tij.
“Mendoni pak se çfarë do të ndodhte sikur Basha të fliste për 21 janarin, Gërdecin apo çështje të tjera. Basha nuk po i thotë Berishës as të mirat as të këqijat. Berisha po e përfundon karrierën me shpifje. Është për të ardhur keq që ky Lulzim Bashë është kujdesur shumë dhe ndaj tij po hidhen shpifje nga Berisha”, tha Baton Haxhiu në emisionin Opinion.
Sipas analistit, Berisha ka punuar me Bashën 16 vite dhe sot na del sipas ish-Kryeministrit që na është marrë peng.
“Basha sot në Parlament tregoi se është i dobishëm për demokracinë shqiptare. Berisha duhet të ikë nga PD dhe kjo parti do të ripërtërihet”, tha Haxhiu.
Batutat
Fevziu: Je profesori i Lulzim Bashës
Baton Haxhiu: S´jam profesor
Fevziu: Je profesor i disa politikanëve
