Një ngjarje e pazakontë raportohet të ketë ndodhur në New York ku një vajzë 3 vjeçare për pak u rrëmbye nga një i pastrehë.
Ngjarja ndodhi në një pikë karburanti kur personi i pastrehë ishte duke kaluar.
Për një moment, ai kap trevjeçaren dhe fillon të vrapojë me shpejtësi, derisa gruaja 65-vjeçare fillon dhe e ndjek nga pas.
Dy nipërit e saj të vegjël po qëndronin të frikësuar pa ditur se si të vepronin, ndërsa në kamera shihet se gjyshes i dolën në ndihmë persona të cilët ishin të pranishëm në vendin e ngjarjes.
“Po fshihja trotuarin. Pashë zonjën duke kaluar me tre fëmijë. Krejt papritur, ky djalë vrapon nëpër rrugë dhe e mbështjell vajzën e vogël në një batanije,” tha Fermin Bracero, 63 vjeç, për Neë York Daily Neës.
“Ai u përpoq të largohej por ne u bëmë një grup dhe nuk e lejuam,” shtoi.
Policia kapi të dyshuarin, Santiago Salcedo, 27 vjeç, pak orë më vonë duke fjetur jashtë një dere.
Ai u akuzua për tentativë rrëmbimi.
