Bledi Kasmi, kryeredaktor i PD, duke analizuar situatën e krijuar në këtë parti pas pvrjashtimit të Sali Berishës nga Grupi Parlamentar, tha se duhet një mbledhje urgjente e forumeve të kvsaj partie.
Kasmi tha se duhet njohur ky realitet i ri i krijuar në Partinë Demokratike, ndoshta Kuvendi Kombëtar duhet të miratojë ndryshimet statutore në përputhje me këtë realitet.
“Ndoshta ndryshimet në statut mund të lejojnë krijimin e fraksioneve në Partinë Demokratike, kjo është një mënyrë që partia të mos përçahet, të mos ndahet”, tha Kasmi në emisionin Opinion.
Ai u shpreh se e gjithë kjo situatë duhet të trajtohet në forumet e Partisë Demokratike dhe nuk mund të anashkalohet.
“Kuvendi Kombëtar i PD mund të miratojë një statut të ri partie në përputhje me këtë situatë, e cila as mund të anashkalohet as mund të fshihet”, tha Kasmi.
Kryeredaktori i RD tha se nuk do të ketë një çarje të PD, ndërsa shtoi se ndoshta ky është momenti më i vështirë ku ndodhet Lulzim Basha.
“Pas humbjes së zgjedhjeve, pavarësisht se ishin një masakër elektorale, Bashës iu desh të merrte një tjetër vendim të vështirë përjashtimin e liderit historik të partisë, Sali Berishës”, tha Kasmi.
