Ambasadorja e SHBA në Tiranë ka bërë publike listën e Departamentit Amerikan të Shtetit për personat të cilët kanë kryer korruspion të rëndësishëm ose ndryshe korrupsion të nivelit të lartë.
State Dept report to Congress regarding those designated for significant corruption https://t.co/EslqUAbbKq
— Ambassador Yuri Kim (@USAmbAlbania) October 8, 2021
Këtë listë DASH do e dorëzojë në Kongresin Amerikan.
Ndërsa vihet re se në emrat e listuar, është edhe ai i ish-kryeministrit shqiptar, Sali Berisha i cili para pak kohësh u shpall non-grata nga DASH me akuzën se kishte shpërdoruar detyrën e tij për korrupsion.
Në këtë listë janë 68 emra, të cilët janë shpallur të padëshiruar në SHBA, mes të cilëve është edhe emri i ish-kryeministrit Sali Berisha dhe familjarëve të tij, Liri, Shkëlzen dhe Argita Berisha.
Mes Berishës dhe ambasadores Yuri Kim ka pasur një përplasje në distancë. Kërkësa e SHBA ishte që Berisha të mos futej në Parlament pas shpalljes “non grata” për korrupsion.
Lidhur me këtë kërkesë, kreu i PD-së Lulzim Basha e përjashtoi Berishën nga grupi Parlamentar i PD-së, duke marrë si kosto nga pas sulmet e vazhdueshme që po i bëhen nga Berisha.
Ndërkohë vetë Berisha ka nisur dy beteja njëkohësisht, atë të gjyqit me vendimin “non grata” ku ka pajtuar një avokat për apelimin e vendimit të SHBA nga një gjykatë ndërkombëtare si dhe betejën për të shkarkuar Bashën nga PD, duke kërkuar mbledhjen e Kuvendit Kombëtar.
