Ministri i Brendshëm, Bledi Çuçi, u takua sot në Tiranë me drejtorin e Përgjithshëm të Sigurisë së Libanit, Gjeneral Major Abbas Ibrahim dhe Konsullin e Përgjithshëm të Shqipërisë në Liban Marc Ghorayeb.
Deri tani, ata janë dy personat kyç për operacionet e riatdhesimit të shqiptarëve nga kampet e ISIS në Siri.
Çuçi tha për mediat se operacionet do të vijojnë pa zbuluar më tepër detaje nga takimi i ditës së sotme.
“Ata ndodhen në Tiranë për një vizitë dy ditore. Me Gjeneralin dhe Konsullin, si dhe struktura tona të Policisë së Shtetit po vijojmë punën për riatdhesime të tjera nga ata që kanë mbetur ende pas. Janë operacione të vështira që marrin kohë, por tashmë kemi një përvojë të mirë dhe vendosmërinë e duhur për t’i shkuar deri në fund gjërave”, shprehet Çuçi.
