Rrugët e Korfuzit janë shëndërruar në lumenj, pasi moti i keq goditi goditi ishujt grek që nga mbrëmja e djeshme.
Sipas mediave greke zona e Spilia në Korfuz tashmë janë të përmbytura, ndërsa ka probleme në rrugët e Potamos.
Probleme në uljen e aeroplanëve
Ndërkohë probleme të veçanta janë shfaqur dhe në uljen e avionëve në Aeroportin Ioannis Kapodistrias në Korfuz për shkak të motit të keq.
Katër flurime janë pezulluar.
Presidenti i Shoqatës së Punonjësve të AAC-së të Korfuzit, Dimitris Roussos është shprehur:
” Tashmë dy fluturimet nga Athina u detyruan të ktheheshin në kryeqytet, një fluturim nga Napoli ndryshoi drejtim gjatë uljes në Athinë. Fluturim nga Varshava pritet të zbarkojë në Prevezë. Moti i keq që po ndikon në ishull shkaktoi shikueshmëri të ulët në aeroport, për pasojë avionët nuk mund të ulen ”.
Anije të ankoruara në portet e Korfuzit, Igumenicës dhe Lefkimmi
Vihet re se anijet e tipit të hapur do të qëndrojnë të ankoruar në portet e Korfuzit, Igumenicës dhe Lefkimmi, ndërsa rrugët e trageteve me anije të tipit të mbyllur normalisht kryhen deri më tani.
Sipas Autoritetit Portual të Korfuzit, erërat që po fryjnë aktualisht në Jon janë juglindje.
Shkollat e të gjitha niveleve sot, me vendim të zëvendësguvernatorit të Korfuzit, mbesin të mbyllura në Korfuz dhe Paksos, ndërsa vlerësohet se intensiteti i motit të keq do të fillojë të ulet nga mesdita.
