Një aksident me pasojë plagosjen e dy personave ka ndodhur ditën e sotme në Mirditë.
Dy makina janë përplasur kokë më kokë me njëra-tjetrën.
Të plagosurit raportohet se janë nisur drejt Traumës për mjekim më të specializuar.
“Në afërsi të një karburanti, automjeti me drejtues shtetasin F.M. është përplasur me automjetin me drejtues shtetasin P.Gj.. Si pasojë e përplasjes, kanë marrë dëmtime dhe janë transportuar në spitalin e Traumës -Tiranë shtetasit P.P., dhe L.P., të cilët ishin pasagjerë në mjetin me drejtues shtetasin P.Gj.. Drejtuesit e mjeteve janë shoqëruar në Komisariatin e Policisë Mirditë për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njoftoi policia.
