Krzetari i PD-së, Lulzim Basha, u shpreh sot pas mbledhjes së Grupit Parlamentar demokrat, se rritja e çmimit të karburanteve dhe energjisë, do të rëndojë mbi xhepat e familjeve shqiptare.
Basha tha se Shqipëria është vendi i 4-rt ku pjesa më e madhe e buxhetit shkon për karburantet dhe energjinë.
“Edi Rama premtoi ulje të çmimit të energjisë, por në fakt ai vetëm u rrit. Atëherë ku shkuan reformat që u ndërmorrën në fushën energjitike? Kjo krizë që po na vjen nuk ka lidhje me atë që ndodh në tregjet ndërkombëtare, por është rezultat i keqqeverisjes, është rezultat i qeverisjes së Ramës me një grup oligarkësh”, tha Basha.
Ai premtoi se opozita do të bëjë gjithçka për të ndalur atë që paralajmëroi Edi Rama, rritjen e çmmimit të energjisë, e cila synon të mbyllë gropën e korrupsionit.
Basha tha se gropa e korrupsionit nuk mund të mbyllet duke i marrë qytetarëve qindarkat e fundit nga xhepat, por mbyllet nga milionat e PPP, koncensioneve dhe tenderave abuzivë.
