Policia e Kavajës ka arrestuar një 36-vjeçar, i shpallur në kërkim për veprat penale “Vrasje me paramendim” e mbetur në tentativë, e kryer në bashkëpunim dhe “Armëmbajtja pa leje”.
Burimet policore njoftojnë se ka rënë shtetasi E. C pasi Gjykata e Shkallës së Parë Kavajë, i ka vendosur në mungesë masën e sigurisë “Arrest në burg”.
Ngjarja për të cilën akuzohet ka ndodhur me datë 24 maj 2020, në lagjen Nr.1, Kavajë, ku 36-vjeçari dyshohet se ka plagosur me armë zjarri shtetasin M. Xh, 30 vjeç.
Materialet i kaluan Prokurorisë së Rrethit Gjyqësor Kavajë, për veprime të mëtejshme.
