Paco Lopez nuk është më trajner i Levante. Klubi spanjoll njoftoi vendimin përmes një komunikate zyrtare në orët e vonë të ditës së djeshme.
Humbja e tretë radhazi, e fundit ndaj Mallorca, i ka dhënë fund bashkëpunimit mes palëve.
Levante e ka nisur keq kampionatin, teksa në 8 javë në LaLiga ka marrë vetëm 4 pikë, falë 4 barazimeve.
Paco Lopez e drejtonte skuadrën prej marsit të vitit 2018 dhe tashmë duhet të mendojë për një tjetër aventurë, sikurse Levane për një trajner të ri.
