Është mbyllur pjesa e parë mes Kukësit dhe Teutës, sfidë që po zhvillohet në stadiumin “Elbasan Arena”.
Kampionët në fuqi kryesojnë me rezultatin 2-3 në një sfidë plot emocione me përmbysje nga të dyja krahët.
Fillimisht në avantazh kaluan durrsakët në minutën e 7-ë. Autori i golit për kampionët në fuqi ishte Albano Aleksi. Pas një topi të larguar nga Bytyçi, futbollisti i skuadrës durrsake gjuan me të majtën brenda zonës, duke tundur rrjetën.
Megjithatë verilindorët janë përgjigjur vetëm 7-të minuta më vonë duke barazuar shifrat me sulmuesin brazilian Korreira, i cili devijon drejt rrjetës një top të gjuajtur nga Edi Basha.
Përmbysja e shifrave erdhi në minutën e 27-të. Kapiteni Gjelbërim Taipi tregohet i saktë nga pika e bardhë e penalltisë.
Surprizat nuk kanë të ndalur me “Djemtë e Detit” që rikthyen baraspeshën në minutën e 34-t ndërsa në limitin e fraksionit të parë rikthyen avantazhin me golin e Koumbemba-s.
