Ish-Sekretari i Përgjithshëm në PD, Arben Ristani, u shpreh mbrëmjen e sotme se Lulzim Basha duhet të largohet një minutë e më parë nga kreu i partisë.
“Mendoj se Basha në mënyrë absolute, duhet të largohet një minutë e më parë nga PD, dhe unë e mbështes Berishën në lëvizjen e tij”, tha Ristani.
I ftuar në emisionin Zonë e Lirë, Ristani ka folur dhe për grupimin e ri “Iniciativa Demokratike”, duke treguar dhe qëllimin për krijimin e këtij grupimi.
“Iniciativa është një grupim që mendon të fitojë me ide, me veprim dhe të mbushë atë boshllëk që ka lënë Basha.
Është një iniciativë brenda PD, qëllimi kryesor është të bëjë atë që nuk po e bën dot Basha”, ka thënë Ristani.
