Arben Ristani, ish-Sekretar i Përgjithshëm i PD, në emisionin “Opinion” tha se çështja e përjashtimit të Sali Berishës nga Grupi Parlamentar zgjidhej vetëm përmes statusit.
“Kryetari i PD, sipas statusit, nuk ka të drejtë të marrë asnjë vendim personal. Ai mund të nxjerrë udhëzime apo urdhëra, bazuar në vendimet e organeve kolegjiale”, tha Ristani.
Sipas tij, përplasjet në PD kanë ndodhur pikërisht nga fakti se në krye të partisë kanë qenë individë që e shfaqnin veten mbi forumet e partisë.
“Çdo ultimatum apo kërkesë ultimative do e trajtoja vetëm bazuar në statut, vetëm në aspektin ligjor, kjo ishte zgjidhja e vetme”, tha Ristani.
