Mbrojtësi i Partizanit, Aleksandër Damçevski, ka probleme me dhëmballët. Mëngjarashi i prapavijës së kuqe ka hequr tri të tilla dhe ka pasur dhimbje ditët e fundit.
Prej këtyre dhimbjeve, Damçevski nuk u grumbullua në sfidën kundër Vllaznisë, pasi e kishte të pamundur për të luajtur. Edhe pse në seancat stërvitore ka qenë i pranishëm, Damçevski është në dyshim për sfidën kundër Dinamos, derbi i parë i këtij sezoni.
Në takimin kundër Vllaznisë, ishte Dajan Shehi ai që u aktivizua në krah të Egzon Belicës fillimisht, ndërsa më pas iu bashkua edhe Sota, me Partizanin që kaloi me tre qendërmbrojtës.
Shehi bëri një sfidë të mirë përballë ish-ekipit të tij dhe duket se po përshtatet dita-ditës te Partizani. Shtatlarti pritet të jetë edhe këtë herë në prapavijën e Partizanit për të luajtur në derbin e parë të sezonit.
Nuk dihet sa kohë do t’i duhet Damçevskit për të qenë gati për trajnerin Daja.
