Deputeti i Partisë Demokratike, Agron Gjekmarkaj thotë se reagimi i ish-Kryeministrit Sali Berisha kundër kreut demokrat Lulzim Basha ka ardhur vetëm pas një vendimi kundër tij.
“Papritmas u bë i keq këto javët e fundit. Nëse ka qenë lider i thyer, Berisha ka detyrimin etik që të flasë”, tha ai.
Sipas Gjekmarkajt “njerëzve po ju ofrohet një beteje e rreme” duke i gënjyer se jemi vendi sovran i Enver Hoxhës.
Ai kujtoi se Berisha këto akuza që bën sot për Bashën i ka bërë në të kaluarën për figura kryesore të PD.
Gjekmarkaj nga ana tjetër vlerësoi veprimi i Berishës në 2005 kur arriti ta bashkonte partinë dhe të afronte këto figura. Një gjë të tillë tha ai duhet të bëjë edhe Basha.
“Basha një ditë duhet të gjejë forcën që t’i mbledhë të gjithë. Mendoj se duhet ta bëjë, por duhet edhe të tjerët që të afrohen”, përfundoi Gjekmarkaj.
