Një aksident raportohet të ketë ndodhur mesditën e sotme në aksin rrugor Fier-Libofshë, në vendin e njohur si Petovë.
Burimet policore njoftojnë se në aksident është përfshirë një automjet tip furgon që transportonte mësues dhe një makinë tjetër, ku kanë mbetur të plagosur 3 persona.
Mësohet se të lënduarit janë në spital jashtë rrezikut për jetën, ndërsa policia po punon për zbardhjen e plotë të ngjarjes.
“Sot rreth orës 14:00, në fshatin Petovë, janë përplasur automjetet tip “Benz” dhe “Ford” me drejtues përkatësisht shtetasit N. P dhe K. L.
Për pasojë është lënduar drejtuesi i mjetit tip “Benz” dhe 3 pasagjere, të cilat po marin mjekim në spital jashtë rrezikut për jetën.
Grupi hetimor po punon për zbardhjen e plotë të rrethanave të ngjarjes”, thuhet në njoftimin e policisë.
