Një aksident u shënua mëngjesin e kësaj të Marte në rrugën nacionale Burrel-Skuraj. Një automjet me të cilin udhëtonin 3 vajza u përmbys në rrugë në vendin e quajtur “Ish-pularia”.
Mjeti që udhëtonte drejt Tiranës raportohet se është përplasur anë rrugës, ndërsa fatmirësisht nuk ka viktima.
Tre vajzat kanë marrë lëndime jo të rënda dhe u dërguan në spitalin e Burrelit për mjekim.
Policia ka mbërritur menjëherë në vendin e ngjarjes, ndërsa paraprakisht dyshohet që aksidenti të ketë ndodhur si pasojë e humbjes së kontrollit nga përgjumja e drejtueses së mjetit.
