Kryeministri Edi Rama u përball në emisionin Open me një pyetje se si ndjehej kur ka 8 persona nongrata dhe do të vijnë edhe nja 10 të tjerë nga të gjithë krahët e politikës.
“Pse ma bën këtë, unë nuk impresionohem”, tha Rama, duke shtuar se vendimet e DASH për çështjet e “non grata” janë vendimet të tyre, ndërsa ne marrim vendimet tona. Rama foli mbi moralin e këtyre vendimeve, duke u shprehur se ka individë që shfaqen kudo dhe ngado si pro-amerikanë, por kur vjen puna e vendimeve të tilla, mbajnë qëndrime të tjera.
Si u ndje kryeministri kur ka tetë non grata dhe do i vijnë dhe nja dhjetë të tjera?
Pse ma bën këtë . Unë nuk impresionohem. Për dërrasat e kalbura, skam çtë them. E kam ndarë mendjen që në studio do bëjë biseda destruktive.
Tom Doshi doli nga dera por hyri nga dritarja?
Unë e kam përjashtuar nga partia.
Ka marrë gjysmat e punësimeve në administratëne Shkodrës?
Kjo është temë tjetër. Kjo është e prerë dhe kush nuk e ka kuptuar ta kuptojë. PS dhe qeveria nuk ka për ta lidhur më partinë më drejtorin dhe drejtorin me partinë.
A ka PS aleancë me partinë e tom Doshit?
Kjo nuk është pyetje, këto janë muhabete. Këto janë thashetheme. Doshi votat atje i merr vetë. Unë mendoj që SHBA janë në të drejtën e tyre të marrin vendimet e tyre dhe në marrim vendimet tona.
