Në kuadër të vizitës së tij zyrtare në Kosovë, kryeministri Edi Rama është takuar këtë mesditë me kreun e Aleancës për Ardhmërinë e Kosovës, Ramush Haradinajn.
Edhe takimi mes tyre është mbajtur me dyer të mbyllura, ashtu si edhe me krerët e partive tjera politike.
Rama u takua fillimisht me homologun e tij Albin Kurti me të cilin mbajti dhe një konferencë të përbashkët për mediet.
Pas takimit me Kurtin Rama takoi edhe krerët e tjerë të partive; kryetarin e PDK-së, Memli Krasniqi, kryetarin e LDK-së, Lumir Abdixhiku dhe kryetarin e Nismës Socialdemokrate, Fatmir Limaj.
Kjo ishte vizita e parë zyrtare e Ramës në Kosovë pas zgjedhjeve të 25 prillit.
