Ish-Kryeministri Sali Berisha zhvillon sot takimin e 3-të me anëtarësinë e Partisë Demokratike në Vlorë.
Takimi do të mbahet në Pallatin e Kulturës, ku para kësaj ndërtese disa minuta para takimit janë mbledhur disa dhjetra mbështetës dhe anëtarë të PD.
Në takimin e Berishës me anëtarësinë e PD në Vlorë, do tv jenë të pranishëm Genc Deromemaj, kreu i degës së PD, dhe deputeti Bujar Leskaj, drejtues politik i Qarkut të Vlorës.
Gjithashtu i pranishëm është edhe Bujar Nishani, ish-Kryetari i Këshillit Kombëtar të PD. Gjithashtu takimit i janë bashkuar ish-deputetët e kësaj partie, mes të cilëve edhe Dashamir Tahiri.
Berisha ka kundërshtuar vendimin e Bashës për largimin e tij nga grupi parlamentar, duke e konsideruar atë “thikë pas shpine”, ndërsa ka kërkuar mbledhjen e Kuvendit Kombëtar. Nga ana e tij Basha ka theksuar se nuk do të ketë asnjë mbledhje të Kuvendit Kombëtar të PD-së duke i refuzuar kështu Berishës mundësinë.
Mesazhe të prera dhe të qarta ka dhënë edhe ambasadorja e SHBA në Tiranë, Yuri Kim.
Kryediplomatja amerikane vuri theksin te zhvillimet e fundit në selinë blu, duke thënë se duhet të ketë një PD të fortë dhe të bashkuar dhe që të ecë përpara.
