Dramë në “Old Traford”! Mançester Junajtid ka regjistruar humbjen e parë në kampionat për këtë sezon, teksa u mposht nga Aston Vila në minutën e 88-të.
Goli i Hause në minutën e 88-të, i dhuroi 3 pikë të çmuara skuadrës mike, teksa “djajtë e kuq”, kishin shansin e artë të evitonin humbjen, në minutën 90+3, kur Bruno Fernandesh, gaboi nga pika e bardhë e penalltisë.
Edhe pse në fushë ishte i pranishëm Kristiano Ronaldo, penalltinë e mori përsipër futbollisti tjetër portugez, i cili nuk arriti të shënonte. Pas kësaj disfate, Junajtid e shikon veten në vendin e 4-t, me 13 pikë në 6 ndeshje. Sfidën e radhës skuadra e Solskjaerit do ta luajë në shtëpi ndaj Evertonit.
