Fadil Nikaj, 30 vjeç, banues në Shkodër, është personi i arrestuar këtë të Shtunë për ngjarjen e ndodhur në Vlorë, ku u plagos me armë zjarri një e re.
Policia njoftoi se: rreth orës 12:05, në vendin e quajtur “Bar Cacai” – lagjja “28 Nëntori”, është plagosur me armë zjarri shtetasja K.Z, 20 vjeçe lindur në Berat, student në Vlorë. Kjo e fundit është shoqëruar për në spital për ndihmë mjekësore, momentalisht jashtë rrezikut për jetën. Është bërë e mundur kapja dhe arrestimi në flagrancë i autorit të dyshuar të ngjarjes – Fadil Nikaj.
Në cilësinë e provës materiale, Policia konfirmon se gjeti dhe sekuestroi armën e krimit me të cilën dyshohet se autori ka kryer plagosjen, një grantë dore në ambientet e lokalit si dhe gjatë kontrollit fizik të ushtruar në çantën e autorit iu gjetën dhe sekuestrua një granatë e dytë.
Ende nuk dihen shkaqet e ngjarjes apo lidhja që kishte autori dhe e plagosura me njëri-tjetrin. “Grupi hetimor ndodhet në vendngjarje dhe nën drejtimin e Prokurorisë së Rrethit Gjyqësor Vlorë po vijon punën për zbardhjen e rrethanave të ngjarjes”, thuhet në njoftimin e bluve.
Dyshohet se djali dhe vajza kishin lënë takim në lokal, por, ai e ka qëlluar sapo ka hyrë. Sipas dëshmive nga vendngjarja, autori ka hedhur edhe një granatë, por që fatmirësisht nuk ka shpërthyer.
