Një djalë ka plagosur me armë zjarri një vajzë rreth mesditës së të Shtunës në Vlorë. Autori i ngjarjes është arrestuar, ndërsa vajza është dërguar në spital për mjekim.
Sipas informacioneve paraprake, ngjarja ka ndodhur në një lokal në qytet, ndërsa autori është nga Shkodra. Megjithatë, nuk ka ende detaje të tjera mbi shkaqet e ngjarjes, apo identitetin e dy personave të përfshirë dhe lidhjen që kishin me njëri-tjetrin.
Dyshohet se djali dhe vajza kishin lënë takim në lokal. Por autori e ka qëlluar sapo ka hyrë. Raportohet se ai ka hedhur edhe një granatë, por që fatmirësisht nuk ka plasur.
