Një 46 vjeçar me probleme mendore ka kanosur me armë zjarri bashkëfshatarin e tij, në shtëpinë e këtij të fundit.
Ngjarja ka ndodhur në fshatin Tërbaç të Vlorës, ku shtetasi F.M., 56 vjeç, banues në fshatin Tërbaç, i cili është paraqitur dje në polici ka thanë se të martën, në banesë, është ndjerë i kërcënuar me armë zjarri nga F.B., 46 vjeç.
Ai ka thënë se bashkëfshatari i tij e ka kërcënuar me armë pasi i ka shkuar në banesë. Raportohet se i dyshuari është i sëmurë me probleme mendore dhe se përveç dëshmisë së 56-vjeçarit nuk ekzistojnë prova për kërcënim.
Dosja i është referuar Prokurorisë së Vlorës për vlerësim.
