Lajme të mira për Bayern Munich në prag të sfidës së mbrëmjes së sotme në transfertën e Great Furth. Kingsley Coman është rikthyer në stërvitje me kampionët e Bundesligës pas operacionit në zemër të kryer javën e kaluar. Francezi kishte komplikacione dhe për shkak të aritmisë kardiake u detyrua të kryente ndërhyrje kirurgjikale.
I kënaqur për këtë rikthim u shfaq trajneri bavarez, Julian Nagelsmann, i cili gjithsesi la jashtë listës së të grumbulluarve sulmuesin për sfidën e sotme:
“Jemi të lumtur që ai është kthyer në fushë, por lojtarit i duhen edhe disa ditë për tu stërvitur dhe për të kapur formën fizike”.
25-vjeçari luajti ndeshjen e fundit më 14 Shtator në Ligën e Kampionëve kundër Barcelonës dhe më pas iu nënshtrua një operacioni. Mungesa ndaj Great Furth në kampin e bavarezëve janë edhe francezi tjetër, Lucas Hernandez dhe portieri i dytë, Sven Ulreich.
