Një 36 vjeçare britanike, nënë e 6 fëmijëve, e quajtur Charlene Smith, ka shokuar me deklaratën e saj se për dy vjet me radhë është sulmuar seksualisht nga një fantazëm. Ajo pretendon se takimin e saj të parë me fantazmën e pati në tetor të vitit 2015, kur ajo u zgjua nga gjumi dhe papritur kuptoi se dikush (ose diçka) po e prekte atë në zonat intime. Fillimisht ajo mendoi se ishte partneri i saj dhe nuk i kushtoi shumë rëndësi, por ajo shpejt mësoi se ishte në të vërtetë puna e një “drite” që kishte hyrë në shtëpinë e saj në Harlow, Essex.
Menjëherë ajo nisi të shqetësohej për praninë e një fantazme në shtëpinë e saj dhe për ta ndihmuar, kontaktoi me një prift që të bënte të mundur largimin e shpirtit nga shtëpia e saj. Charlene rrëfen se dy herë i është dashur edhe të largohet nga shtëpia e saj, për shkak se sulmet seksuale ishin bërë mjaft të shpeshta. “Fëmijët po shihnin gjithashtu gjëra dhe ndjenja se shpirtrat i sulmonin. Ata ishin të shqetësuar po ashtu njëlloj si unë. Natën e parë që ika, më kishte sulmuar në dhomën time të gjumit. Krahët e errët më binin mbi mua ndërsa më gërvishtnin dhe më tërhiqnin. Unë u tmerrova dhe vendosa ta regjistroja në telefonin tim, për të vërtetuar atë që po ndodhte. Thirra nënën time dhe i dërgova videon. Ajo erdhi menjëherë dhe trokiti në derë duke na thënë të dilnim nga shtëpia, kështu që të gjithë nxituam jashtë“- u shpreh ndër të tjera 36-vjeçarja.
Burimi: ladbible
