“Ish-kryeministri Sali Berisha nuk është e ardhmja e PD-së”, u shpreh mbrëmjen e sotme ish-Sekretari i Përgjithshëm i kësaj partie, Arben Ristani.
Por sipas tij, Berisha di të mobilizojë bazën e të sjellë ndryshimin.
“Me lidera karizmatikë si Berisha mund të mobilizohet baza e partisë e të vijë ndryshimi. Berisha vjen pas një mbështetje totale që i ka dhënë Bashës prej 8 vitesh, ku kreu i PD në shumë raste ka thyer statutin dhe është sjellë si autokrat. Ka pasur shumë zëra kundër”, tha Ristani për Oranews.
Në vijim ai theksoi se Berisha e do PD, duke shtuar se “e besoj se do i bëjë një të mirë PD-së”.
“Për mua ai nuk është e ardhmja e PD-së, por mund të krijojë një shtrat të duhur që PD të vendosej në shinat e parimeve e vlerave për të cilat ajo është krijuar”, shtoi Ristani.
