Zv. ministrja e Shëndetësisë, Eugena Tomini, ka folur lidhur me vaksinimin e detyruar tek studentët dhe çfarë strategjie do të ndiqet.
Në një intervistë për Klan News, Tomini është shprehur se aktualisht 66% e stafeve arsimore janë të vaksinuar me dy doza të vaksinës anti-COVID.
“Nga gjitha vlerësimet edhe të hershme fushata vaksinimi që zgjasin me muaj të tërë dhe që kërkohet një objektiv për të arritur përsa i përket mbulesës vaksinale për të minimizuar sa më shumë raste vdekje ose spitalizimet, sigurisht që merren mekanizma të tjerë që do të lehtësojnë më shumë që mbulesa vaksinale të rrijë në nivelet që strategjia apo pikësynimi i programit të imunizimit të arrijë.
Ndërkohë ky ishte momenti ku imunizimi u zgjat edhe një muaj tjetër, u dha lehtësi që grupeve të cilat janë klasifikuar si grupe të detyruara për t’u vaksinuar për të paraqitur cerifikatën të kishin një muaj kohë dhe është deri në fund të Shtatorit.
Sigurisht i jepet kohë mësuesve, pedagogëve, studentëve që të fillojnë shkollën në 11 Tetor, të kenë mundësi të reflektojnë mbi përgjegjësinë ndaj vetes dhe ndaj të tjerëve. Deri në këto momente është sigurisht mbyllja e muajit Shtator për të parë sa do të rritet mbulesa vaksinale tek këto grupe. Ndërkohë theksojmë se 66% e arsimtarëve tashmë janë me të dyja dozat e aplikuara dhe sigurisht që presim.
Këto grupe të cilat janë deklaruar do të shkojnë drejt një udhëzimi përkundrejt detyrimit të nxjerrjes së certifikatës ose të kryerjes së testeve në mënyrë epititive apo të njëpasnjëshme, në mënyrë periodike për të vërtetuar mospraninë e infeksionit tek ata”, tha Tomini.
