Duket se kamerat e trupit të policisë shfaqin probleme herë pas here. Dëshmia e një efektivi zbardh problemin në fjalë.
Në kushtet kur kamera nuk ishte i sigurtë se funksiononte, punonjësi i policisë ka marrë aparatin e telefonit dhe ka filmuar me të një qytetar.
Një monitorim i Qendrës FOl mbi korrupsionin tregon se si i riu Xhulio Llaka në vendin e quajtur Flamuri Gjerman pranë rrugës Ali Demi tentoi ti japë 2 mijë lekë policisë rrugore që e konstatoi atë pa rrip sigurie.
Policia i ka bërë shenjë ndalimi duke e pozicionuar në anen e djathtë të karaxhatës ku i është afruar duke komunikuaar shkakun e ndalimit, mbasi po qarkullonte pa vendosur rripin e sigurimit. Më pas i kanë kërkuar dokumentacionin e mjetit.
Xhulio Llaka si fillim merr vetem lejen e qarkullimit nga kroskoti dhe i thotë që ” të jap një kafe dhe më ler të iki”.
Polici i thotë sërisht që i ka kërkuar vetëm anën dokumentare të mjetit, por Xhulio Llaka insistoi disa herë që ” merr pi një kafe” dhe i futi një kartmonedhë me prerje 2000 lekeshe në leje qarkullimi.
Në këtë moment, polici e pyet: pse e bëre këtë, për tju shmangur masës së gjobës?
Policët dëshmojnë se në kete moment, Xhulio Llaka ka zgjatur dorën për tja marrë nga dora së bashku me lejen e qarkullimit, por nuk i ka marrë dot. Nga kontrolli i policisë, rezulton se siguracioni i mjetit kishte mbaruar dhe dilte në sistem pa siguracion.
Xhulio Llaka ka deklaruar se po lëvizte me makinën e një shoku që ia kishte lënë për përdorim për atë ditë me qëllim për ta cuar në oficinë për riparimin dhe lucidimin e disa dëmtimeve që kishte.
Policia i ka kërkuar dokumentat, që ndodheshin në kroskotin e mjetit dhe ai i ka nxjerrë për t´ja dhënë punonjësve të policisë.
Ai ia ka zgjatur lejen e qarkullimit, por duke pretenduar se nuk ishte në dijeni të faktit se brenda saj ishte edhe kartmonedhë 2000 lekëshe, pasi mjeti nuk ishte i tij dhe nuk e dinte se çfarë kishin letrat brenda.
Por ndërkohë në procesverbalin ku pasqyrohen të dhënat mbi dëshminë e efektivëve të policisë që e ndaluan, polici i parë rrugor tregon se të gjitha veprimet e tij u dokumentuan nga kamera e trupit të kolegut.
I pyetur mbi këtë fakt efektivi numër dy i quajtur Xhavit Shabanaj dëshmon para kolegëve se veprimet korruptive të qytetarit i filmoi me celular.
“Kamera e trupit ka probleme teknike dhe e kam të vështirë që ti shkarkoj pamjet, por do ti vë në dispozicion sapo ti kem gati. Rregjistrimin e kam kryer me telefonin tim”, deklaroi efektivi.
