Kryeministri Edi Rama dhe ministrat e kabinetit të ri janë betuar këtë të Shtunë te Presidenti Ilir Meta.
Kreu i qeverisë mbërriti i fundit në ambientet e Presidencës. Më herët, në ambientet e Presidencës shkuan dhe ministrat e qeverisë së re.
Pas betimit, Rama dhe ministrat janë drejtuar në këmbë drejt kryeministrisë, ku do të mbahet dhe mbledhja e parë e qeverisë së re. Rama dhe ministrat nuk dhanë asnjë deklaratë për gazetarët.
Qeveria e re përbëhet nga 12 gra e 5 burra bashkë me kryeministrin.
Qeveria “Rama 3” u miratua në parlament në orët e para të së Premtes me 77 vota pro, pas një seance maratonë diskutimesh.
