Carla Squitieri po lante enët në shtëpinë e saj në Misuri, kur hoqi unazat e martesës dhe i vendosi në një peshqir letre në kuzhinë. Ajo u hutua, i la aty…
Bashkëshorti i saj, Bernie, aksidentalisht e hodhi peshqirin prej letre dhe së bashku me të, një unazë diamanti me vlerë 400.000 dollarë, dhuratë e 15-vjetorit të martesës, dhe një rreth me vlerë 100.000 dollarë.
Unazat ishin të siguruara, por kishin vlerë sentimentale dhe Carla kishte planifikuar që t’ja trashëgonte vajzës një ditë.
“Unë bëja si e çmendur nëpër shtëpi”, i tha Carla gazetarëve. Gruaja dhe burri i saj e kuptuan se makina e mbeturinave kishte kaluar në lagje dhe ishte larguar pasi kishte zbrasur kazanët.
Çifti u telefonoi kompanisë që merrej me mbledhjen e mebturinave, e cila iu përgjigj se s’mund të bënte asgjë.
Por pastaj Bernie i telefonoi kryebashkiakut të qytetit, i cili urdhëroi devijimin e punës së kamionit, duke shmangur edhe depozitimin e mbetjeve për riciklim.
Pastaj çifti u vesh me rroba pune dhe u zhyt në mes të një tonelate me mbeturina, duke kërkuar për unazat.
Njëzet minuta më vonë, unazat u gjetën nga menaxheri i operacioneve, i cili mori shpërblim 500 dollarë. Mesa duket pas kesaj Carla e Bernie morën frymë lirisht dhe sipas raporteve ishin ‘në qiellin e shtatë’.
Burimi: Elle
(Boldnews)
