Roland Bejko, një nga anëtarët e Këshillit Kombëtar të Partisë Demokratike, u shpreh mbrëmjen e sotme në “ABC” se Sali Berisha është bërë shumë agresiv, pasi Lulzim Basha e përjashtoi nga Grupi Parlamentar.
“Në fillim tha do të jetë beteja ime dhe PD nuk do të përfshihet dhe me këmbënguljen që po bën tani, pas vendimit për t’u larguar përkohësisht, shoh që doktori është bërë shumë agresiv dhe ka filluar të artikulojë tezat e një lëvizje në bazë. Në fillim ishte më i inatosur”, tha ai në emisionin “ Bardh a Zi”.
Ndërsa për ish-kandidatin për kryetar të PD-së, Fatbardh Kadilli, doktori e ka mbyllur ciklin. “Cikli politik “Berisha” është mbyllur prej kohësh” tha ai.
