Një aksident ka ndodhur në autostradën Lezhë-Milot paraditen e sotme.
Një autobus me pasagjerë është përplasur me një trajler te kryqëzimi i Ishull-Shëngjinit. Raportohet se është lënduar një fëmije, i cili është dërguar për mjekim ne spital, jashtë rrezikut për jetën.
“Rreth orës 10:20, në vendin e quajtur ‘Kryqëzimi i Ishull-Shëngjinit’ janë përplasur mjeti tip kamion me mjetit tip autobus, ka marrë dëmtime të lehta një i mitur dhe është transportuar në spitalin Rajonal Lezhë, pa probleme”, njoftoi policia.
“Drejtuesit e 2 mjeteve po shoqërohen në ambientet e Komisariatit të “Policisë Lezhë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarje”, shtuan të njëjtat burime.
