Një grabitje me armë në një bankë në qendër të Athinës, raportohet të ketë ndodhur mesditën e sotme.
Dy autorë me armë të rënda morën një shumë të madhe parash dhe më pas janë larguar me shpejtësi, thuhet në informacionet e para të policisë.
Mediat vendase shkruajnë se konkretisht, grabitja ndodhi në orën 12:00 të mesditës në një bankë në rrugën Mitropoleos 53, me autorët, sipas informacioneve, që mbanin armë të rënda.
Grabitësit u zhdukën pa lënë gjurmë në rrugicat e zonës, ndërsa policia e shtetit fqinj po punon të zbardhë ngjarjen që terrorizoi qytetarët në kryeqytetin grek. Forcat e policisë po krehin rrugicat e zonës me qëllim kapjen e autorëve.
