Kancelarja gjermane dhe kryeministri Edi Rama u përshëndetën me grusht.
Merkel mbërriti sot në Rinas dhe më pas në “Pallatin e Brigadave” në Tiranë, që u shoqërua me një ceremoni shtetërore.
Në hyrje të “Pallatit të Brigadave”, kryeministri Rama i zgjati dorën për ta takuar, por kancelarja ka preferuar përshëndetjen me grusht në kuadër të zbatimit të masave anti-covid.
Më pas nisi takimi kokë më kokë mes Kryeministrit Edi Rama dhe Kancelares Angela Merkel.
Axhenda e Merkel
10.30 – Takim Tête-à-tête mes Kryeministrit Edi Rama dhe Kancelares Angela Merkel në Pallatin e Brigadave
11.00 – Takim bilateral mes dy delegacioneve në Pallatin e Brigadave
11.50 – Mbërritja e Kryeministrit dhe krerëve të qeverive të Ballkanit në Tirana Business Park.
11.55 – Mbërritja e Kancelares Merkel në Tirana Business Park
12.00 – Foto Familjare me krerët e delegacioneve në Tirana Business Park.
14.35 – Konferencë për shtyp mes Kryeministrit Rama dhe Kancelares Merkel në Tirana Business Park
