Edith Harxhi, e cila garoi përballë Lulzim Bashës në garën për kreun e PD-së, tha se kjo parti tashmë është e përçarë. Harxhi u shpreh se Basha duhet të largohet nga PD një orë e më parë dhe t’i hapet rruga një procesi zgjedhor.
“Basha është një kryetar në detyrë, jo legjitim. Basha duhet të largohet një orë e më parë që ti hapë rrugë një gare të barabartë për të bashkuar partinë”,tha ajo.
Por a duhet të garojë Sali Berisha për postin e kryetarit të PD? Harxhi mendon se Berisha nuk duhej t’i futej një gare.
Në vijim ajo u shpreh se Basha ka frikë nga përballja dhe këtë e konfirmoi edhe gjatë takimit me kryetarët e degëve të PD, të cilëve iu tha që të sqarojnë anëtarët për vendimin e tij lidhur me përjashtimin e Berishës nga Grupi parlamentar.
