Ish-kryeministri Sali Berisha duke folur për përplasjen mes tij dhe Lulzim Bashës tregoi në ‘Çim Peka Live’ se përse e mbronte publikisht kreun e PD dhe se çfarë mendonte realisht.
Berisha tha i duhej të vlerësonte në publik Bashën për të rritur PD-në, pasi pollet tregonin se ai ishte një lider i thyer.
Ndërkohë Berisha tregoi se ju kishte kërkuar këshilltarëve që në rast se Basha nuk ngrihej në nivel atëherë ata duhet të gjenin rrugë tjetër.
‘Të gjithë thoshin dhe ishin skeptikë se Lulzim Basha nuk vjen në pushtet. Vlerësimin e Lulzim Bashës nuk e bëja për të në publik, por për demokratët, pasi të gjithë dinin se ai nuk ka bërë asgjë. E kam bërë gjatë periudhës elektorale dhe e kam bërë në funksion të PD-së. U kam thënë këshilltarëve se ky është një lider i thyer, por deri 4 muaj para zgjedhjeve ky lider nuk ngjitet atëherë duhet të kaloni në rrugën tjetër duke rritur partinë në të gjitha mënyrat’, tha Berisha.
