Gjykata e Posaçme refuzoi kërkesën për lirim nga qelia të ish-kreut të Bashkisë së Lushnjës, Fatos Tushe.
Ish-zyrtari e argumentoi kërkesën me problemet shëndetësore, duke pretenduar zbutje të masës “arrest në burg”, çka nuk u pranua nga gjykata.
Fatos Tushe u arrestua bashkë me zyrtarë të tjerë të bashkisë së Lushnjës më 6 korrik, nga një operacion i ndërmarrë nga SPAK, për akuzën e shpërdorimit të detyrës. Bëhej fjalë për një tender me vlerë rreth 23 milionë lekë për rehabilitimin e një kanali ujitës në dy fshatra.
